News18 Odia Digital
Chanakya Niti for Wealth: ଆଚାର୍ଯ୍ୟ ଚାଣକ୍ୟ (Chanakya Niti) ଆଜିକୁ ପ୍ରାୟ ୩୦୦୦ ବର୍ଷ ପୂର୍ବେ ଜନ୍ମ ଗ୍ରହଣ କରିଥିଲେ। ସେ ଭାରତର ଜଣେ ମହାନ ଦାର୍ଶନିକ, ଅର୍ଥନୀତିଜ୍ଞ ତଥା ରଣନୀତିଜ୍ଞ ଭାବେ ବେଶ୍ ଖ୍ୟାତି ଅର୍ଜନ କରିଥିଲେ। ଚାଣକ୍ୟ ସମାଜ, ରାଷ୍ଟ୍ର, ରାଜନୀତି ଏବଂ ସାମରିକ ସାମର୍ଥ୍ୟ ଉପରେ ନୀତି ଶାସ୍ତ୍ରୀ ନାମକ ଏକ ପୁସ୍ତକ ଲେଖିଥିଲେ, ଯାହା ଚାଣକ୍ୟ ନୀତି (Chanakya Niti) ନାମରେ ଜଣାଶୁଣା।
ତାଙ୍କ ଏହି ନୀତିରେ ଅନେକ କଥା ଲେଖିଅଛି। ଚାଣକ୍ୟଙ୍କ ନୀତି ପ୍ରତ୍ୟେକ ବ୍ୟକ୍ତିର ଜୀବନରେ ବହୁ ମହତ୍ୱ ରଖିଥାଏ। ସଠିକ ବାଟରେ ଚାଲିବାକୁ ଏହି ନୀତି ବେଶ୍ ସହାୟକ ହୋଇଥାଏ। ଯଦି ଆପଣ ବି ଚାଣକ୍ୟ ନୀତି ପାଳନ କରୁଛନ୍ତି, ତେବେ ଆପଣ ଜୀବନରେ ଅନେକ ବଡ଼ ବଡ଼ ସମସ୍ୟାରୁ ଅତି ସହଜରେ ମୁକୁଳି ପାରିବେ।
ତେବେ ଆଜି ଆମେ ଆପଣଙ୍କୁ ଚାଣକ୍ୟଙ୍କ ଏପରି ନୀତି ବିଷୟରେ କହୁଛୁ, ଯାହା ପ୍ରତ୍ୟେକ ବ୍ୟକ୍ତିର ଜୀବନରେ ବହୁତ ଅବଶ୍ୟକ। ତେବେ ଚାଣକ୍ୟ ତାଙ୍କ ପୁସ୍ତକରେ ଲେଖିଛନ୍ତି ଯେ ଯଦି ଜଣେ ବ୍ୟକ୍ତିଙ୍କୁ ଧନ ପ୍ରାପ୍ତି ହୋଇଛି ତେବେ ସେ ଭୁଲରେ ମଧ୍ୟ ଏହି ୫ଟି ଜିନିଷକୁ ଅଣଦେଖା କରିବା ଉଚିତ୍ ନୁହେଁ। ଯଦି ସେ ବ୍ୟକ୍ତି ଏହା ନକରନ୍ତି, ତେବେ ତାଙ୍କୁ ଆଗକୁ ବଡ ଅସୁବିଧାର ସମ୍ମୁଖୀନ ହେବାକୁ ପଡ଼ିପାରେ।
ତେବେ ଆସନ୍ତୁ ଜାଣିବା ଚାଣକ୍ୟଙ୍କ ସେହି ୫ଟି ନୀତି ବିଷୟରେ…
୧. ଟଙ୍କା ଆସିଲେ କରନ୍ତୁ ନାହିଁ ଏହି ଭୁଲ୍- ଅନେକ ଲୋକ ଅଛନ୍ତି ଯେଉଁମାନେ ଧନ ଆସିବା ପରେ ଗର୍ବ ଆଉ ଆହଂଙ୍କାର ଦେଖାଇବା ଆରମ୍ଭ କରନ୍ତି। କିନ୍ତୁ ଆପଣ କଦାପି ଏପରି ଭୁଲ୍ କରିବା ଉଚିତ୍ ନୁହେଁ। ଏପରି କରିବା ଦ୍ବାରା ଆପଣଙ୍କଠୁ ଲୋକମାନେ ଦୂରେଇ ରହିବା ଆରମ୍ଭ କରନ୍ତି। ତେବେ ଏପରି କରିବା ଅପେକ୍ଷା ଧନ ଆସିଲେ ଆପଣ ଅନ୍ୟ ଲୋକଙ୍କ ଉନ୍ନତି ପାଇଁ ଏହାକୁ ବ୍ୟବହାର କରିବା ଦ୍ବାରା ଆଶୀର୍ବାଦ ପ୍ରାପ୍ତ କରିବେ।
୨. ଭାବି ଚିନ୍ତି ଟଙ୍କା ଖର୍ଚ୍ଚ କରନ୍ତୁ- ଆଚାର୍ଯ୍ୟ ଚାଣକ୍ୟ ତାଙ୍କ ନୀତିରେ କହିଛନ୍ତି ଯେ ଯେତେବେଳେ ବି ତୁମ ପାଖକୁ ଟଙ୍କା ଆସେ, ଏହାକୁ ଭାବିଚିନ୍ତି ଖର୍ଚ୍ଚ କରିବା ଉଚିତ୍। ଅଯଥା ଖର୍ଚ୍ଚ କରିବା ଠିକ୍ ନୁହେଁ। ସଙ୍କଟ ସମୟରେ ହିଁ ଟଙ୍କା ହେଉଛି ଆପଣଙ୍କ ସବୁଠାରୁ ବଡ଼ ବନ୍ଧୁ ଭଳି କାର୍ଯ୍ୟ କରିବ। ଯେଉଁମାନେ ଟଙ୍କା ସଞ୍ଚୟ କରି ରଖନ୍ତି ନାହିଁ ସେମାନଙ୍କୁ ଭବିଷ୍ୟତରେ ଅନେକ ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ।
୩. ଅନ୍ୟ ଲୋକଙ୍କ କୁହନ୍ତୁ ନାହିଁ- ଚାଣକ୍ୟ ନୀତିରେ କୁହାଯାଇଛି ଯେ ଧନ ଆସିଲା ପରେ ଏହା ବିଷୟରେ ଅନ୍ୟ ଲୋକଙ୍କ ସହ ଆଲୋଚନା କରିବା ଉଚିତ୍ ନୁହେଁ। ଏହା ଉପରେ ଆଲୋଚନା କରିବା ଦ୍ବାରା ଚୋର ଏବଂ ଶତ୍ରୁମାନେ ଆପଣଙ୍କୁ କ୍ଷତି ପହଞ୍ଚାଇ ପାରନ୍ତି। ତେଣୁ, ଏହି ବିଷୟରେ ନୀରବ ରୁହିବା ଉଚିତ୍।
୪. ଅନ୍ୟଙ୍କୁ ଅପମାନିତ କରନ୍ତୁ ନାହିଁ- ଚାଣକ୍ୟ ନୀତିରେ କୁହାଯାଇଛି ଯେ ବ୍ୟକ୍ତିଙ୍କ ପାଖରେ ଟଙ୍କା ଆସିବା ପରେ ଅନ୍ୟମାନଙ୍କୁ ଅପମାନିତ କରିବା କିମ୍ବା କାହାକୁ କ୍ଷତି ପହଞ୍ଚାଇବା ପାଇଁ ଏହି ଟଙ୍କା ବ୍ୟବହାର କରାଯିବା ଉଚିତ୍ ନୁହେଁ। ଏହା କରିବା ଦ୍ୱାରା ଧନର ଦେବୀ ଲକ୍ଷ୍ମୀ ଅସନ୍ତୋଷ ପ୍ରକାଶ କରନ୍ତି ଯାହାକି ଘରେ ଦାରିଦ୍ର୍ୟତା ଆଣି ଦେଇଥାଏ। ସେଥିପାଇଁ କେବଳ ସତ୍ ଉପାୟରେ ଟଙ୍କା ବ୍ୟବହାର କରିବା ଉଚିତ୍।
ପଢ଼ନ୍ତୁ ଏହି ଖବର:
ସକାଳୁ ଉଠିବା ମାତ୍ରେ ପିଅନ୍ତୁ ଏହି ମସଲା ପାଣି; ପାଖ ମାଡ଼ିବନି କୌଣସି ରୋଗ
୫. ଅହଂକାରୀ ହୁଅନ୍ତୁ ନାହିଁ- ଆଚାର୍ଯ୍ୟ ଚାଣକ୍ୟ ନୀତିରେ କୁହାଯାଇଛି ଯେ ଟଙ୍କା ଆସିଲେ ବ୍ୟକ୍ତିଙ୍କୁ କେବେ ଅହଂକାର କରିବା ଉଚିତ୍ ନୁହେଁ। ଧନ ଦେଖାଇ ଶତ୍ରୁ ସଂଖ୍ୟା ବଢ଼ାଇବା ଠିକ୍ ନୁହେଁ। ସେମାନଙ୍କର ଏହି ଅତ୍ୟଧିକ ଖୁସି ବେଳେବେଳେ ସେମାନଙ୍କୁ ସଙ୍କଟରେ ପକାଇଥାଏ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
କମ୍ପାନୀ କହିଛି ଯେ ଯଦିଓ ଏହି ସମୟରେ 5G ବଜାରକୁ ଆସିଛି, ଆମେ କୌଣସି ପ୍ରକାରେ ଆମର ଯୋଜନାକୁ ମହଙ୍ଗା କରିବୁ ନାହିଁ । ଆମ ପାଇଁ ଆମ ଗ୍ରାହକଙ୍କଠାରୁ କେହି ବଡ଼ ନୁହଁନ୍ତି । ସେମାନଙ୍କ ଅଭିଜ୍ଞତାକୁ ଉନ୍ନତ କରିବା ପାଇଁ ଆମେ ଆମର ସେବାକୁ ଉନ୍ନତ କରିବା ଜାରି ରଖିବୁ
