News18 Odia Digital
Corona Update: ବିଶ୍ୱ ମହାମାରୀ କରୋନା ସମ୍ମୁଖରେ ଦେଶ ପାଇଁ ପୁଣି ଥରେ ଚିନ୍ତାର ଖବର ଆସିଛି। ଭାରତରେ କରୋନା ଭାଇରସର ଚତୁର୍ଥ ଲହରକ ସମସ୍ତଙ୍କ ଚିନ୍ତା ବଢ଼ାଇ ଦେଲାଣି। ଓମିକ୍ରନର ନୂଆ ଭାରିଆଣ୍ଟ BA.2, BA.4 ଓ BA.5 ର ପ୍ରବେଶ ଅଧିକ ଚିନ୍ତା ବ ବଢ଼ାଇଲାଣି। ଦେଶରେ କ୍ରମାଗତ ଭାବରେ କରୋନା ରୋଗ ବୃଦ୍ଧି ପାଉଛି।
ଗତ ୨୪ ଘଣ୍ଟା ମଧ୍ୟରେ ଦେଶରେ ୧୩,୩୧୩ଟି ନୂଆ କରୋନା ମାମଲା ଚିହ୍ନଟ ହୋଇଥିବା ବେଳେ ଏହି ସମୟ ମଧ୍ୟରେ ୩୮ ଜଣଙ୍କର ମୃତ୍ୟୁ ଘଟିଛି। ଏହାପୂର୍ବରୁ ଶନିବାର ଦିନ ଦେଶରେ ୧୨,୨୪୯ଟି ନୂଆ କରୋନା ମାମଲା ଚିହ୍ନଟ ହୋଇଥିଲା। ସେହିପରି ୧୩ ଜଣଙ୍କର ମୃତ୍ୟୁ ଘଟିଥିଲା। ଅର୍ଥାତ୍ ଗତକାଲି ତୁଳନାରେ ଆଜି ପ୍ରାୟ ୧୨,୦୦୦ ନୂଆ ମାମଲା ବୃଦ୍ଧି ପାଇଛି।
ଆଜି ସକାଳେ ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ବାରା ପ୍ରକାଶିତ ତଥ୍ୟ ଅନୁଯାୟୀ ଗତ ୨୪ ଘଣ୍ଟା ମଧ୍ୟରେ ଦେଶରେ ୧୩,୩୧୩ଟି କରୋନା ମାମଲା ପଞ୍ଜିକୃତ ହୋଇଥିବାବେଳେ ୩୮ ଜଣଙ୍କର ମୃତ୍ୟୁ ଘଟିଛି।
ଏଥି ସହିତ, ଏହି ସମୟ ମଧ୍ୟରେ ୧୦,୯୭୨ ଜଣ ଲୋକ ମଧ୍ୟ ଏହି ରୋଗରୁ ଆରୋଗ୍ୟ ଲାଭ କରିଛନ୍ତି। ଦୈନିକ ସକରାତ୍ମକତା ହାର ୩.୯୪ ପ୍ରତିଶତରୁ ୨.୦୩ ପ୍ରତିଶତକୁ ଖସି ଆସିଛି। ଦେଶରେ ସମୁଦାୟ ୪,୨୭,୩୬,୦୨୭ ସଂକ୍ରମିତ ରୋଗୀ ଆରୋଗ୍ୟ ଲାଭ କରିଛନ୍ତି। ପୁନରୁଦ୍ଧାର ହାର ହେଉଛି ୯୮.୬୦ ପ୍ରତିଶତ।
ଯଦି ଆମେ ଦେଶର ମେଟ୍ରୋ ସହରଗୁଡ଼ିକ ବିଷୟରେ ଆଲୋଚନା କରିବା, ତେବେ ଦିଲ୍ଲୀରେ ୯୨୮ଟି ନୂଆ ମାମଲା, ମୁମ୍ବାଇରେ ୧,୬୪୮, ଚେନ୍ନାଇରେ ୩୪୫ ଓ ବେଙ୍ଗାଲୁରୁରେ ୬୭୬ଟି ମାମଲା ରୁଜୁ ହୋଇଛି। ଦେଶର ଆର୍ଥିକ ରାଜଧାନୀ ମୁମ୍ବାଇ ବୁଧବାର ଦିନ ୧,୬୪୮ଟି ନୂଆ ମାମଲା ରୁଜୁ କରିଛି। ସହରରେ ସକ୍ରିୟ ମାମଲା ସଂଖ୍ୟା ୧୩,୫୦୧କୁ ବୃଦ୍ଧି ପାଇଛି।
କରୋନାକୁ ନିୟନ୍ତ୍ରଣ କରିବା ପାଇଁ ଟୀକାକରଣ ଉପରେ ସରକାର ଗୁରୁତ୍ୱାରୋପ କରୁଛନ୍ତି। ବର୍ତ୍ତମାନ ପର୍ଯ୍ୟନ୍ତ ଟୀକାକରଣ ସଂଖ୍ୟା ୧,୯୬,୬୨,୧,୯୭୩ରେ ପହଞ୍ଚିଛି। ଏହି ସମୟରେ, ଗତ ୨୪ ଘଣ୍ଟା ମଧ୍ୟରେ ୧୪,୯୧,୯୪୧ ଡୋଜ ପ୍ରୟୋଗ କରାଯାଇଛି।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
କମ୍ପାନୀ କହିଛି ଯେ ଯଦିଓ ଏହି ସମୟରେ 5G ବଜାରକୁ ଆସିଛି, ଆମେ କୌଣସି ପ୍ରକାରେ ଆମର ଯୋଜନାକୁ ମହଙ୍ଗା କରିବୁ ନାହିଁ । ଆମ ପାଇଁ ଆମ ଗ୍ରାହକଙ୍କଠାରୁ କେହି ବଡ଼ ନୁହଁନ୍ତି । ସେମାନଙ୍କ ଅଭିଜ୍ଞତାକୁ ଉନ୍ନତ କରିବା ପାଇଁ ଆମେ ଆମର ସେବାକୁ ଉନ୍ନତ କରିବା ଜାରି ରଖିବୁ
